خروج و عودہ پر جاکر نہ آنےوالوں کا اقامہ جوازات میں جمع کرایا جائے
جمع نہ کرانے پر ایک ہزار ریال جرمانہ عائد کیاجائیگا جو کفیل کے ذمہ ہو گا ۔ مذکورہ قانون غیر ملکی کارکنوں اور غیر ملکیوں کے زیر کفالت انکے اہل خانہ پر نافد ہے ۔جوازات کی جانب سے مزید کہا گیا ہے کہ خروج و عودہ کا مقصد مقررہ مدت میں لوٹ کر مملکت آنا ہے ۔ جو غیر ملکی مقررہ مدت میں واپس نہیں آتے انہیں مملکت میں آئندہ 3 برس کےلئے بلیک لسٹ کر دیا جاتا ہے ۔ ایسے بلیک لسٹ کئے جانے والے کسی ویزے پر 3 برس تک مملکت نہیں آسکتے ۔ واضح رہے گزشتہ برس سے محکمہ پاسپورٹ کی جانب سے یہ قانون نافذ کیا گیا تھا کہ ایگزٹ ری انٹری ویزے پر سفر کرنے والے اگر واپس نہ لوٹیں تو انہیں مملکت کےلئے بلیک لسٹ کر دیا جائے ۔ اس قانون کا نفاذ مملکت میں قانونی طور پر مقیم غیر ملکیوں پر ہوتا ہے جن میں تارکین وطن کے اہل خانہ بھی شامل ہیں ۔ وہ تارکین اس بلیک لسٹ کے زمرے میں شامل نہیں ہو نگے جن کے کفیلوں نے انکے اقامہ مقررہ مدت کے دوران جوازات میں جمع کروا کر انہیں اپنے سسٹم سے خارج کردیا ہو گا ۔ ایسے افراد جن کے اقامے انکے سسٹم سے خارج کر دیئے گئے ہونگے ان پر جرمانہ عائد ہو گا اور نہ ہی انہیں مملکت کے لئے بلیک لسٹ کیاجائیگا ۔
